Sojojin India 7 Sun Rasa Rayukansu Sanadiyyar Hatsarin Mota
Rundunar sojin India ta ce sojojinta bakwai sun mutu bayan da motar da suke ciki ta sauka daga hanya ta fada cikin wani kogi a arewacin yankin Ladakh.
Read Also:
A cikin wata sanarwa da rundunar ta fitar, ta ce tawagar sojojin su 26 na tafiya ne a cikin bas a lokacin da hadarin ya afku.
Rahotanni sun ce wadanda suka tsira da ransu a cikin motar sun samu mummunan rauni.
A cikin shekaru biyu da suka wuce an yi wata arangama tsakanin sojojin India da na China inda aka kashe na India 20 na China kuma da dama.
