Shin ya Makomar Haaland, Son, Salah, Pedri da Pineda Take?
Dan wasan gaba na Borussia Dortmund da Norway Braut Haaland, mai shekara 20.
ya samu goyon bayan daraktan wasanni na RB Salzburg Christoph Freund kan koma wa Liverpool maimakon Manchester United.
Haaland ya koma Dortmund a farkon wannan shekarar daga Salzburg. (Sky90 via Star)
Mai kulub din Tottenham Joe Lewis ya ba da haske ga ɗan wasan Koriya ta Kudu Son Heung-min, mai shekara 28, kan sabuwar kwangilar fan 200,000 a mako da kuma wasu kuɗaɗen lada idan ya taka rawar gani. (Football Insider)
Liverpool za ta iya rasa Mohamed Salah, mai shekara 28, inda zai tafi bugawa ƙasarsa Masar wasanni a kakar mai zuwa bayan kocin ƴan wasan ƙasar ƴan kasa da shekara 23 ya ce yana son tafiya da ɗan wasan wasannin Olympics. (Ahram Online via Mirror)
Peter Schmeichel tsohon gola ya ba Manchester United shawarar zubin sabin ƴan wasa a kasuwar watan Janairu saboda yadda ƙungiyar ke fuskantar ƙalubale a gasar Premier. (Bein Sports via Manchester Evening News)
Read Also:
West Ham za ta ɗauko dan wasan Denmark Frederik Alves Ibsen, mai shekara 20, daga Silkeborg a Janairu. (Mail)
An ƙayyade darajar kudin dan wasan Barcelona da Spain mai shekara 17 Pedri kan fam miliyan £360. (Goal)
Kocin Inter Milan Antonio Conte ba ya jin daɗin yadda ɗan wasan tsakiya mai shekara 28 Christian Eriksen ke taka leda, inda yake tunanin sayar wa Paris St-Germain. (La Gazzetta dello Sport, via Mail)
Manchester United na son David Brooks, mai shekara 23, kuma tana son ɗan wasan ya buga Premier League, amma ɗan wasan na Wales na son komawa Bournemouth”. (Echo, via Sun)
Dan wasan gaba na Cruz Azul da Mexico Orbelin Pineda, mai shekara 24, ƙungiyoyin Ingila na ribibinsa da suka hada da Arsenal, Tottenham, Wolves, Everton, Southampton, Newcastle da West Ham. (90min)
Tsohon dan wasan Chelsea da Ghana Michael Essien ya ce bai taɓa tunanin abokin wasanta Frank Lampard zai yi aikin horar da ƴan wasa ba. (Talksport)
Kocin Everton Carlo Ancelotti ya shaida wa dan gaba na Turkiya Cenk Tosun, mai shekara 29, zai buga wasu wasanni a wannan kakar bayan ya yi haskawar farko cikin watanni 11. (Liverpool Echo)
