Wasu Ministocin Ƙasashen musulmai Sun Shiga Taro
Nijar na karɓar bakuncin taron ministocin harakokin wajen mambobin ƙungiyar ƙasashen musulmi ta OIC karo na 47 a birnin Yamai.
Read Also:
Taron ministocin na ƙasashen musulmi na kwanaki biyu na tattaunawa ne kan taken “hadin guiwa kan yaƙi da ta’addanci, don zaman lafiya da ci gaba.
Tun a ranar Juma’a aka buɗe taron a babban ɗakin taro na Mahatma Gandhi da ke Yamai.
A labarin da ta wallafa game da taron jaridar ActuNiger ta ce, Shugaban ƙasa Mohamadou Issoufou ne ke jagorantar taron tare da sakatare janar na ƙungiyar OIC Dr Yousef A. Al-Othaimeen da kuma wakilan ƙasashe mambobin ƙungiyar 57.
