Shugaban Hafsun Sojoji Kasa ya Bukaci Jami’an da ke Aikin Tantance Daukar Sababbin Sojoji da su Kasance Masu Gaskiya da Adalci
Shugaban hafsun sojoji ya ziyarci sansanin tantance daukar ma’aikata a dajin Falgore da ke Kano.
Ya bukaci jami’an da ke aikin tantance daukar sabbin sojojin da su kasance masu gaskiya da adalci.
Ya kuma ba da tabbacin cewa, zai samar da abubuwan da ake bukata domin gudanar da aikin cikin sauki.
Faruk Yahaya, shugaban hafsan sojojin Najeriya, ya yi kira ga hafsoshi da ma’aikatan da ke gudanar da aikin tantance zababbun ma’aikatan rukuni na 81 na shiga aikin sojojin Najeriya da su kasance masu adalci da gaskiya.
Yahaya ya ba da umarnin ne a ranar Asabar, lokacin da ya ziyarci cibiyar horar da sojojin Najeriya da ke sansanin Falgore a jahar Kano, inda ake gudanar da aikin tantancewar.
Daraktan hulda da jama’a na rundunar Onyema Nwachukwu ne ya sanar da hakan a cikin wata sanarwa a ranar Asabar, 7 ga watan Agusta a Abuja, The Cable ta ruwaito.
Read Also:
Babban hafsan sojojin ya bukaci jami’an da su gudanar da ayyukansu cikin himma da kwarewa, ya kara da cewa dole ne ma’aikata su kasance masu adalci da tsayuwa wajen gudanar da aikin.
COAS ya ba da tabbacin samar da abubuwan da ake bukata ga sojoji
Ya kuma ba su tabbacin goyon bayan hedkwatar sojoji wajen ba su kayan aiki da sauran abubuwan more rayuwa da ake bukata don samun nasarar gudanar da aikin tantance wadanda ya kamata a dauka.
Yahaya ya yabawa gwamnatin jahar Kano saboda tallafawa sojojin Najeriya wajen inganta kayayyakin more rayuwa a cibiyar da ke a Falgore.
Ya karfafawa tare da yabawa masu neman aikin bisa jajircewarsu da kishinsu na yin aikin sojan Najeriya.
Mai magana da yawun rundunar ya bayyana a cikin sanarwar cewa daukar aikin wani bangare ne na kokarin da sojojin Najeriya ke yi na kara karfin ma’aikata.
Meye yasa ake atisayen daukar aikin soji a sansanin Falgore?
a ce ana gudanar da atisayen ne a Falgore don bai wa wadanda za a dauka aiki damar zama a wurare domin su gane hakikanin yanayin kasa da yanayin da za su fuskanta yayin horo da lokacin gudanar da aikin soja.
A cewarsa, wannan dabarar tana ba da tabbaci ga ginshikan falsafar COAS, wanda ya danganta da kwarewa, kyakkyawan shiri, gudanarwa da hadin gwiwa, kamar yadda The Eagle Online ta tattaro. Ya ce ziyarar ta kasance wani babban abin karfafa gwiwa ga masu son shiga aikin na soji.
