Nan ba da Jimawa ba za a Fara Kiran Waya da na Bidiyo a Twitter – Musk
Mai kamfanin sada zumunta na X da a baya aka fi sani da Twitter Elon Musk ya ce nan ba da jimawa ba shafin zai bai wa ma’abotansa damar fara kiran waya da na bidiyo.
Read Also:
Cikin wani saƙon X da ya wallafa Mista Musk ya ce hakan na daga cikin matakan mayar da shafin na komai-da -ruwanka.
“Kiran waya da na bidiyo na nan tafe a shafin X”, kamar yadda ya rubuta ba tare da cikakkken bayani kan lokacin da za a fara amfani da su a shafin ba..
Mista Musk ya ce za a iya samun duka kiraye-kirayen biyu a wayoyin IPhone da na Android da kamfutoci.
Ya ci gaba da cewa ba a buƙatar lambar waya domin morar waɗannan sabbin tsare-tsaren da ya ɓullo da su
