Premier: Man United za ta Karbi Bakuncin Man City
A ranar Asabar ne Manchester United za ta karbi bakuncin Manchester City a wasan da ake hasashen zai yi zafi wanda kuma za a kalla a ko’ina a faɗin duniya.
United ta yi nasara a wasanni takwas a jere kuma za ta iya kai wa ga mafi dadewa a gasar tun bayan da Alex Ferguson ya yi ritaya a matsayin koci a 2013.
Read Also:
City da ke mataki na biyu da maki hudu a saman United ta sha kashi a hannun Southampton a gasar cin kofin Carabao a ranar Laraba.
Kocin City Pep Guardiola ya ce a yanzu Man United na cikin ganiyarta wanda hakan a bayyane yake.
United na dab da ɗaukar aron ɗan wasan Burnley Wout Weghorst amma ba zai iya buga wasa ba saboda yana buƙatar a yi masa rijista da misalin karfe 12:00 a ranar Juma’a.
Sai dai da wuya Anthony Martial ya buga wasan saboda raunin da ya ji a kafarsa, don haka Marcus Rashford, wanda ya ci kwallaye bakwai a wasanni shida da suka wuce, zai iya buga a matsayin ɗan wasan gaba.
