‘Yan Sandan Isra’ila Sun Harbe ‘Dan Bindiga da ya Hallaka Mutane 2
‘Yan sandan Isra’ila sun ce sun harbe wani dan bindiga da ya harbe mutum biyu tare da raunata wasu 12 a wani harbin kan mai-tsautsayi da ya yi a birnin Tel Aviv na Isra’ila.
Harin dan bindigar ya faru ne a tsakiyar birnin mai cike da wuraren cin abinci da na shan barasa.
Read Also:
‘Yan sanda sun ce an kashe maharin ne sa’oi bayan ya aikata ta’asar a unguwar Jaffa.
Mai magana da yawun ‘yan sandan ta yi karin haske “cewa iyalai da ‘yan uwa da abokan arziki na zaune suna ‘yan shaye-shaye da tande-tandensu, katsam sai ga wani dan ta’adda ya bude musu wuta”.
Ta ƙara da cewa “nan take ya harbi mutum 10 ya kuma ji wa wasu rauni. A nan ne biyu daga cikinsu suka rasa ransu”.
