Yanzu Dakarun Rasha Sun Kwace Kusan Kashi ɗaya Bisa Biyar na ƙasar – Shugaban Ukraine
A wannan juma’ar mamayar da Rasha take yi wa Ukraine ta cika kwana dari daya cif.
Da ya ke gabatar da jawabi kamar yadda ya saba ta bidiyo ga majalisar dokokin Luxembourg, a daren Alhamis, Shugaban Ukraine ya ce, yanzu dakarun Rasha sun kwace kusan kashi ɗaya bisa biyar na ƙasar.
Read Also:
Volodymyr Zelensky, ya ce kusan sojojin Ukraine 100 ne ke mutuwa a kullum, a kokarin da suke na hana Rasha dannawa ta kama iko da ƙarin yankunan gabashin Ukraine din.
Wani babban janar, Olexiy Gromov, ya ce babu bukatar dakarunsa su ja baya daga Severodonetsk, duk da cewa Rasha na kokarin yi musu kawanya.
Shugaba Zelensky ya jaddada cewa, samun ƙarin makamai daga ƙasashen Yamma, zai sauya yanayin yakin, Ukraine ta rika samun nasara.
