Amurka za ta Tallafa wa Falasɗinawan da Suka Rasa Muhallansu a Gaza
Babban sakataren harkokin wajen Amurka, Anthony Blinken, ya ce Amurka za ta ba da tallafin fiye da dala miliyan 130 don taimaka wa Falasɗinawa da suka rasa matsugunansu a Gaza.
Mista Blinken na ganawa da shugabannin Qatar a birnin Doha, yayin ya ke ƙoƙarin ganin an tsagaita wuta.
Read Also:
Ƙasar Qatar – wadda shalkwatar siyasar Hamas ke cikinta – ita ce babbar mai shiga tsakani a rikicin.
Jami’in diplomasiyyar na Amurka na fuskantar ƙalubale da dama, kama daga tsaikon da aka samu a tattaunawar tsagaita wuta a Gaza zuwa ɓarkewar yaƙi tsakanin Isra’ila da Hezbollah.
Hamas ba ta sanar da sabon shugaba ba tun bayan kisan da Israila ta yi wa Yahya Sinwar a makon da ya gabata.
