Dakarun Tsaro Sun yi Arangama da ‘Yan Fashi Dajin a Kaduna
Sojoji sun gudanar da bincike tare da kubutar da fararen hula uku a wata maboyar ‘yan fashin daji da ke yankin Angwan Malam Ali yayin aikin sintiri a Kuriga-Manini-Udawa.
Read Also:
Wata sanarwa da kwamishinan tsaro da al’amuran cikin gida na jihar Kaduna, Samuel Aruwan ya wallafa ta ce dakarun tsaron sun yi arangama da yan fashin dajin wadanda suka arce saboda zafin amon wuta.
Samuel Aruwan ya ce mutanen da aka kubutar su uku ne kuma duk maza, sannan dakarun sun gano bindigar AK47 daya da harsashi 18.
A baya-bayan nan dai, rahotanni na cewa dakarun tsaron Najeriya suna kara dannawa cikin daji har maboyar yan fashin daji da sukan kai hare-hare ga matafiya da manoma da mazauna yankunan karkara.
