Ina Tare da Tinubu Kuma Zan Mara ma sa Baya Wajen Cimma Nasara a Zaɓen 2023 – Shugaba Buhari
Shugaba Muhammadu Buhari na Najeriya ya ce, Asiwaju Bola Ahmed Tinubu, ne mutumin da ya fi dacewa da takarar shugabanci a Najeriya.
Tinubu ya samu tikitin takara a APC a zaɓen fitar da gwani da aka kammala jiya Laraba a Abuja.
Read Also:
Shugaban a wata sanarwa da kakakinsa ya fitar, Malam Garba Shehu, na cewa yana tare da Tinubu kuma zai mara ma sa baya wajen cimma nasara a zaɓen 2023.
Ya kuma ce Tinubu shi ne mutumin da zai kare da inganta tsarin dimukuradiya da suka gina kasar a kai.
Shugaban ya kuma bukaci ‘ya’yan jam’iyyar su hada kai wajen cimma nasara a zaɓen 2023.
