Komawa Makaranta: Gwamnatin Jahar Kano ta Kara wa Dalibai Mako Guda
Gwamnatin Kano da ke arewacin Najeriya ta sanar da ɗage ranar komawar ɗalibai makaranta da mako guda.
Read Also:
Kwamishinan Ilimi na jahar, Muhammad Sanusi Sa’id Kiru, ya ce an tsawaita komawa makaratu da mako guda ne saboda a samu damar daidaita zangon karatun jahar saboda matsaloli da tsaikon da aka rinka fuskanta a lokacin annobar corona.
Sanawar da ya fitar ta umarci ɗaliban da ke makarantun kwana su koma a ranar 12 ga watan Satumba 2021 maimakon 5 ga wata, sannan ƴan je-ka-ka-dawo za su koma ranar Litinin 13 ga watan Satumba 2021 maimakon 6 ga wata.
