Adadin Kudin da Muke Buƙatar Domin Kai Kayan Agaji Sudan – MDD
Majalisar Ɗinkin Duniya ta ce tana buƙatar $3bn domin kai agaji zuwa Sudan.
MDD ta ce ana sa ran mutum sama da rabin miliyan ne za su tsere daga ƙasar a daidai lokacin da ake ci gaba da faɗa tsakanin sojojin gwamnati da kuma dakarun RSF.
Read Also:
Jagoran ɓangaren ayyukan jin kai na MDD, Ramesh Rajasingham, ya ce mutum sama da rabi na al’ummar Sudan miliyan 25 – na buƙatar agaji da kuma kariya.
Ya ce wannan shi ne alkaluma mafi girma da aka taɓa gani a ƙasar.
Hanyar kai kayan agaji ita ce babbar matsala a yanzu.
An sace kayan abinci da aka kai ƙasar da kuma far wa ma’aikatan agaji tun bayan ɓarkewar faɗa tsawon wata ɗaya da ya gabata.
