Cutar Kwalara ta yi Ajalin Mutane 104 a ƙasar Nijar
Hukumomi a Nijar sun tabbatar cewa cutar kwalara ta yi ajalin mutum 104 a ƙasar.
Ma’aikatar lafiya ta ƙasar ta bayar da rahoton cewa mutum 2,874 suka kamu da cutar a jahohin Niamey da Maradi da Zinder da Dosso da Tahoua da kuma Tillaberi.
Read Also:
Ministan lafiya na ƙasar Illiassou Mainassara ya kuma tabbatar da cewa mutane shida da suka kamu da cutar korona nau’in Delta a Nijar sun warke.
Ya shaida wa kamfanin dillacin labarai na AFP cewa dukkaninsu wadanda ke Yamai babban birnin ƙasar, an yi masu magani amma ya bayyana damuwa kan yaɗuwar cutar a ƙasar.
