ENDSARS:Sojojin Najeriya sun Musanta Harbin Masu Zanga-Zangar a Legas
Rundunar sojojin Najeriya ta yi watsi da rahotannin da ke cewa dakarunta sun buɗe wuta ga masu zanga-zangar #ENDSARS a Lekki da ke Legas.
Gwamnatin jihar Legas ta tabbatar da cewa aƙalla mutum 30 ne suka samu rauni a yammacin Talata bayan tarzomar da ta shi a wurin.
Read Also:
Ƙungiyar ƙare haƙƙi ta Amnesty International ta bayyana cewa an kashe masu zanga-zanga da dama yayin harbin da aka yi a Lekki.
Masu amfani da shafukan sada zumunta sun ta yaɗa bidiyo inda ake jin harbe-harben bindiga a tsawon daren.
Wani da ya shaida lamarin ya bayyana wa BBC cewa ya ƙirga gawarwaki har 20 da kuma gwamman mutanen da suka ji rauni.
