‘Yan Bindiga Sun Kashe Mutane 6 a Jahar Katsina
Yan bindiga sun kashe akalla mutum shida tare da garkuwa da wasu da dama a kauyen Unguwar Samanja na jahar katsina ranar Lahadi.
Read Also:
Kamar yadda jaridar Premium Times ta ambato wani mazauna kauyen Daudawa mai makwabtaka yana cewa, maharan sun isa kauyen kusan karfe shida na yamma, a lokacin da jama’a ke shirin sallar magariba.
Unguwar Samanja na karkashin karamar hukumar Faskari, wadda ta dade tana fuskantar hare-hare daga yan bindiga.
Kazalika tana daga cikin kananan hukumomi 13 da aka katse sadarwa, a wani bangare na yaki da yan bindiga.
