Taron Zuba Jari :Shugaba Buhari ya Isa Saudiyya
Shugaban Najeriya Muhammadu Buhari ya isa birnin Riyadh na Saudiyya, inda zai halarci taron zuba jari na Future Investment Initiative Institute.
Read Also:
Mataimaki na musamman ga Shugaban kan yada labarai Malam Garba Shehu, ya sanar cewa Shugaba Buhari ya sauka birnin da misalin karfe 11:50 na dare ranar Litinin.
Garba Shehu ya kara da cewa “Shugaban zai halarci bikin kaddamar da taron zuba jarin na kwanaki uku da da za a fara yau Talata, wanda zai mayar da hankali kan zuba jari don inganta rayuwar al’umma.”
Ana sa ran Shugaba Muhammadu Buhari zai gudanar da aikin Umra kafin dawowa Najeriya.
