Manhajar Pegasus: Amurka ta Sanyawa Kamfanin Isra’ila Takunkumi
Amurka ta sanyawa kamfanin Isra’ila da ya kirkiri manhajar Pegasus takunkumi, da ake zargin gwamnatoci na amfani da ita wajen kutse a wayoyin ‘yan hamayyar siyasa, masu fafutika, ‘yan jarida da sauransu.
Read Also:
Ma’aikatar kasuwancin Amurka, ta ce ta yanke hukuncin sanyawa kamfanin takunkumi kan ayyukan da ke barazana ga tsaron kasa ko shiga harkokin kasashen ketare da ke hulda da Amurka.
Amfani da manhajar Pegasus wajen kutse ya tada jijiyoyin wuya a kasashen duniya, inda rahotanni ke cewa ana amfani da manhajar wajen muzgunawa abokan hamayya.
Kamfanin ya nuna rashin dadinsa da matakan Amurka tare da cewa zasu dauki mataki.
