Guguwa ta yi Sanadin Mutuwar Mutane 14 a Madagascar da Mozambique
Akalla mutum 14 ne suka mutu, bakwai a Madagascar, bakwai kuma a Mozambique sakamakon wata mahaukaciyar guguwa.
Haka kuma adadin mutanen da guguwar Freddy ta shafa ya ƙaru zuwa 383,000 a Madagascar da fiye da 163,300 a Mozambique, a cewar rahoton Majalisar Dinkin Duniya.
Read Also:
“Ko da yake tsananin guguwar bai kai yadda muke zato ba, dubban ɗaruruwan mutane suna bukatar agajin jin kai. Za a ɗauki watanni kafin a farfado,” in ji Pasqualina Di Sirio, wakiliyar hukumar samar da abinci ta duniya a Madagascar.
Ba zai yi wu a samu ambaliya a kudu maso gabashin Zimbabwe ba saboda mahaukaciyar guguwar ba ta kai cikin kasa kamar yadda aka yi hasashe a baya ba.
