Sokoto: ‘Yan Sanda Sunyi Nasarar Kashe Wasu Masu Garkuwa da Mutane Tare da Kama Wasu
An kashe wasu mutane 2 da ake zargin ‘yan fashi ne a karamar hukumar Tambuwal dake jihar Sokoto.
Sannan ‘yan sandan sun samu nasarar damkar wasu masu garkuwa da mutane guda 8.
An samu bindigogi kirar AK-47 a hannunsu, da kuma sauran miyagun makamai.
Read Also:
An kashe wasu mutane 2 da ake zargin masu garkuwa da mutane ne a wuraren Sanyinna da ke karamar hukumar Tambuwal a jihar Sokoto, yayin harbe-harbe da ‘yan sanda.
Kwamishinan ‘yan sanda, Ibrahim Sani Ka’oje ya bayyana hakan a ranar Asabar a wani taro da suka yi a hedkwatar ‘yan sanda, Channels TV ta wallafa.
Kamar yadda yayi bayani, ana zargin daya daga cikinsu da fashi da makamai a sati 2 da suka wuce, inda ya kashe mutane 2 a wuraren Tamaje da ke jihar, amma an damke shi.
Fashi 4 da aka yi, wanda aka kama mutane 8 da ake zargin ‘yan fashi ne da miyagun makamai. Garin hakan ne aka amshi AK-47 da sauran miyagun makamai daga hannunsu.
