Ambaliyar Ruwa: Mutane 26 Sun Rasa Rayukansu a Indiya
Rahotanni daga kudancin Indiya sun ce mamakon ruwan sama ya haddasa ambaliya da ta kashe mutum 26 a jahar Kerala.
Read Also:
Daga cikin wadanda suka mutu akwai kananan yara biyar, kuma ana fargabar adadin wadanda suka mutu ya karu don har yanzu ana kan neman da dama da suka bata.
Hakama ambaliyar ta yi awon gaba da gidaje tare da datse hanyoyi.
Hotunan bidiyo sun nuna yadda ake ta kokarin ceto mutane da ruwa suka jaye motocinsu.
Gundumomin Kottayam da Idukki na daga cikin wuraren da lamarin ya fi shafa, inda har an sami zabtarewar kasa.
