Kakakin Majalisar Kasar Amurka ta Nemi a Sauke Donald Trump Daga Kujerar Shugaban Kasa
Kakakin majalisar kasar Amurka, Nancy Pelosi ta yi kira a kan sauke Donald Trump daga kujerarsa.
Nancy ta ce Trump mutum ne mai hatsarin gaske, ya kamata a yi gaggawar tube shi don tseratar da Amurka.
Ta yi wannan kiran ne bayan ta zargi shugaban kasar da cutar da al’umma, zaman shi a kujerarsa akwai matsala.
Kakakin majalisa, Nancy Pelosi, ta bukaci a tube Donald Trump ta hanyar amfani da gyararriyar doka ta 25.
Read Also:
Ta ce wajibi ne a sauke Trump matukar ana so a tseratar da ‘yan kasar da kasar gaba daya. Kamar yadda Pelosi tace, “Tabbas Trump ya ci zarafin mutanenmu da kasar mu.”
Pelosi ta kwatanta Trump a matsayin shu’umin mutum mai mugun hatsari wanda bai dace a bar shi a matsayin shugaban kasa ba, The Nation ta ruwaito.
Sannan shugaban majalisar dattawa, Charles Schumer da safiyar Alhamis ya bukaci a yi amfani da doka ta 25.
Schumer ya ce matsawar ba a yi amfani da dokar ba, za su hada karfi da karfe su tube shi.
