Kasashe 20 a Duniya da Suke Fama da Rashin Nagartatun Shugabannin Kwarai
Wata kungiyar shugabancin kwarai ta saki rahoto da ya nuna jerin kasashen duniya mafi rashin shugabannin kwarai a duniya.
A rahoto da kungiyar CGGI ta saki, kasar Venezeula ce kasa ta karshe cikin masu shugabannin kwarai a duniya.
Kasar Zimbabwe ce ta biyu sannan kuma kasar Najeriya ta uku Wata kungiya mai zaman kanta a kasar Singapore, Chandler Good Government Index, CGGI ta bayyana jerin kasashen da suka fi shugabannin kwarai a fadin duniya.
Rahoton da aka saki ranar 26 ga Afrilu, ya bayyana cewa an yi amfani da karfin iya yaki da rashawa wajen nuna irin nagartan shugabannin kasa.
CGGI ta saki rahotonta a shafinta na Tuwita. Diraktan CGGI, Wu Wei Neng, ya ce mulki na kwarai ne abinda zai iya kawo wa kasa nasara.
Read Also:
An bada maki ga kowace kasa ne bisa abubuwa guda 7:
Nagartan shugabannin da hangen nesa, dokokin kwarai, ma’aikatu na kwarai, gaskiya da rashin cin amana, janyo hankalin masu sa hannun jari.
Sauran sune mutuncin kasar a idon duniya, da kuma taimakon marasa karfi da tayar da su daga makaskancin hali.
Ga jerin kasashen:
1. Kasar Venezuela
2. Kasar Zimbabwe
3. Kasar Najeriya
4. Kasar Mozambique
5. Kasar Mali
6. Kasar Iran
7. Kasar Madagascar
8. Kasar Lebanon
9. Kasar Burkina Faso
10. Kasar Zambiya
11. Kasar Aljeriya
12. Kasar Habasha (Ethiopia)
13. Kasar Nepal
14. Kasar Pakistan
14. Kasar Malawi
16. Kasar Nicaragua
17. Kasar Guatemala
18. Kasar Ecuador
19. Kasar Cambodia
20. Kasar Tajikistan
