APC ta Rasa Daya Daga Cikin Manyan Jiga-Jiganta – Samuel Ojebode
Jam’iyyar All Progressives Congress (APC) ta rasa wani babban jigonta, Samuel Ojebode, a Oyo.
Ojebode, ya kasance Shugaban jam’iyyar a mazabar tarayya ta Oyo.
Wasu daga cikin jiga-jigan jam’iyyar sun nuna alhininsu kan mutuwar Ojebode.
Abun bakin ciki da alhini ya samu jam’iyyar All Progressives Congress (APC) yayinda ta rasa daya daga cikin manyan jiga-jiganta, Samuel Ojebode.
Ojebode, wanda ya kasance jigon APC a jihar Oyo, ya rasu a ranar Asabar, 14 ga watan Nuwamba, yana da shekaru 87 a duniya.
Read Also:
A wani sakon ta’aziyya, wani sanata daga jihar, Teslim Folarin, ya nuna bakin cikinsa.
A wani jawabi daga Yakeeen Olaniyi a Ibadan, Folarin ya bayyana mutuwar a matsayin wani babban asara ga ahlin APC a Najeriya.
Folarin ya tuna cewa jigon na APC ya shirya taro na lumana mai cike da nasara ga mambobin jam’iyyar a mazabar Oyo ta tarayya.
Ya ce Ojebode ya kasance shugaba abun koyi, mai mutunci da kima.
A sakon ta’aziyyarsa, kamfanin dillancin labaran Najeriya (NAN) ya ruwaito cewa Farfesa Adeolu Akande, Shugaban hukumar NCC, ya yi ta’aziyya ga iyalai, abokai da mambobin APC a jihar kan wannan rashi.
A cewar Akande, Ojebode ya kasance dan siyasa na hakika kuma shugaba daba a cika samun irinsa ba sannan cewa za a yi kewarsa.
