Kisan Masu Zanga-Zanga: Kotu ta Tsare ɗan Minista
Wata kotu a arewacin Indiya ta garkame ɗan wani ministan gwamnati, wanda ake zargi da hannu a mutuwar manoma hudu yayin zanga -zanga makon da ya gabata a Uttar Pradesh.
Ashish Mishra, wanda aka kama da yammacin ranar Asabar, ana zarginsa da kutsawa cikin masu zanga-zangar da mota.
Ya musanta cewa yana cikin motar.
Bayan abin da ya faru masu zanga-zangar da suka fusata sun cinna wa motoci wuta inda kuma aka kashe mutum huɗu.
A ranar Juma’a kotun ƙoli ta ce ba ta gamsu da binciken ƴan sanda ba.
