Zargin Cire Sassan Jikin Yaro: Peter Obi ya Jajanta wa Sanata Ekweremadu
Dan takarar shugaban kasa a jam’iyyar Labour Party a Najeriya, Peter Obi, ya jajanta wa Sanata Ike Ekweramadu kan kama shi da zargin yunkurin cire sassan jikin mutum a Birtaniya.
Read Also:
Obi ya rubuta shafinsa na Twitter cewa ”ni da iyalina muna jajanta wa Ekweramadu kan kaddarar da ta same shi. Muna addu’a, kamar sauran mutane, ga ‘yarsa ta samu sauki, kuma muna fatan Allah zai sa gaskiya ta yi halinta”, in ji Obi.
A jiya ne jami’an tsaro a London suka gurfanar da Ekweramadu da mai dakinsa Beatrice a gaban kotu bisa zargin yunkurin cire sassan jikin mutum.
To amma kotu ta dage zaman har sai farkon watan Yuli mai kamawa.
