Bethel Baptist: An Saki Karin ɗalibai 10, Bayan Biyan Kuɗin Fansa
An sake sakin karin ɗalibai da ‘yan bindiga suka yi garkuwa da su a jahar Kadunan arewacin Najeriya bayan biyan kuɗin fansa.
An saki dalibai 10 a jiya Lahadi, a cewar kungiyar kiristoci ta CAN, yanzu mutum 11 suka saura.
Shugaban kungiyar reshen Kaduna, Joseph Hayab ya ce yanzu haka suna kokarin ganin a saki sauran ɗaliban.
Read Also:
Wannan shi ne rukuni na huɗu na ɗaliban da ake saki bayan garkuwa da su. Adadin ɗalibai 110 aka saki ko suka kubuta kawo yanzu.
A ranar 5 ga watan Yuli aka yi garkuwa da ɗaliban sakandaren Bethel 121 a jahar Kaduna.
An cafke uku daga cikin ‘yan bindigar wanda ‘yan sanda suka gabatar da su a makon da ya gabata.
Satar ɗalibai domin nema kudin fansa abu ne da ya zama ruwan dare a Najeriya, inda masu garkuwar ke neman milyoyin kafin sakin su.
