Rundunar ‘Yan Sandan Jihar Neja ta kama Masu Garkuwa da Mutane Tare da Kuɓutar da Mutum 7
Rundunar ‘yan sandan jihar Neja da ke arewacin Najeriya ta ce ta kama mutum biyu da take zargi da garkuwa da mutane a yankin ƙaramar hukumar Gurara da ke jihar, tare da kuɓutar da mutum bakwai , adanda suka haɗar da maza shida da mace ɗaya.
Read Also:
A wata sanarwa da rundunar ta fitar mai ɗauke da sa hannun mai magana da yawun rundunar ‘yan sandan jihar DSP Wasiu Abiodun ya ce an kama masu garkuwar ranar Juma’a sakamakon bayanan sirri da rundunar ta samu.
Inda nan take rundunar ta tura jami’anta zuwa yankin tare da haɗin gwiwwar jami’an sa kai.
Sanarwar ta ce jami’an ‘yan sandan sun yi musayar wuta da masu garkuwar a cikin daji, daga nan ne kuma masu garkuwar suka gudu tare da barin mutum shida da ke ɓoye a hannunsu.
