An Soma Tantace Daliget da za su Kaɗa kuri’a a Zaɓen Fidda Gwanin APC
An soma tantace daliget-daliget da za su kaɗa kuri’a a zaɓen fitar da gwani na neman tikitin takara a karkashin inuwar jam’iyyar APC.
Read Also:
Sama da daliget dubu biyu ne za a tantace domin zabo mutumin da zai fafata da ɗan takarar jam’iyyar adawa ta PDP a zaben 2023 da ke tafe.
Za a gudanar da zaɓen ne a dandalin Eagles square kuma kusan an kammala duk wasu shirye-shirye.
An tsaurara matakan tsaro, sannan an sauya fasalin wajen taron.
Mutum 23 ne suka nuna sha’awarsu ta takara a karkashin inuwar APC.
Fitattu a cikinsu akwai, mataimakin shugaban kasa, Yemi Osinbajo da tsohon gwamnan Legas, Bola Ahmed Tinubu da shugaban majalisar dattawa, Ahmed Lawan.
