Sojoji Sun Kashe ‘Yan Bindiga Sama da 50 da Lalata Makamansu a Jahar Zamfara
Sojoji sun fatataki ƴan bindiga daga ginin wata makaranta da ke karamar hukumar Shinkafi a jahar Zamfara a wasu hare-haren sama.
Hare-haren da suka kai ta jiragen yaƙi sun shafi yankunan Zangon Dammaka da Jajaye maboyar wani fitaccen ɗan bindiga Kachalla Haru da yaransa.
Read Also:
Ɗaya daga cikin dakarun hadin-gwiwar da suka kai harin a Zamfara ya shaidawa Jaridar PRNigeria cewa sun yi nasara a dukkanin samamen da suka kai a karshen mako.
A cewar dakarun anyi nasarar kashe ƴan bindiga da dama da lalata makamansu. Sannan an lalata dazukan da suke ɓuya a Sububu.
Wata majiya ta tabbatarwa PRNigeria cewa an kashe sama da ƴan bindiga 50 da lalata makamansu da babura a kauyen Gidan Rijiya.
