Yadda Uwa ta Rasa Ranta a Kokarin Raba Faɗa Tsakanin ‘Ya’yanta Biyu
Wata mata mai suna Zainab Ibrahim ta rasa ranta a kokarin raba fada tsakanin ‘ya’yanta maza biyu, Inusa da Usman.
Read Also:
Duk da cewa babu cikakken bayani kan abin da ya hadasu, Inusa, bayanai na nuna cewa ya yi amfani da wuka wajen soka mahaifiyar a bisa kuskure a hannunta na dama.
Lamarin ya faru ne a unguwar Kpaduma da ke Asokoro a Abuja.
Wani mazauni unguwar Saliu Shehu ya ce an gagauta kai Zainab asibiti amma daga baya sai rai ya yi halinsa.
A lokacin da aka tuntube shi, kakakin ‘yansanda Abuja, Josephine Adeh, ya ce Inusa ya tsere amma ana bincike kan lamarin.
